Efnavopnastofnunin OPCW mun klukkan 11 birta yfirlýsingu um niðurstöðu rannsókna á sýnum sem tekin voru í tengslum við rannsókn breskra yfirvalda á taugaeitrinu sem beitt var gegn Skrípal-feðginunum í bænum Salisbury á Englandi í byrjun mars.
Sérfræðingar OPCW hafa að beiðni breskra yfirvalda unnið sjálfstæða rannsókn á eitrinu sem var notað gegn Sergej Skrípal og Júlíu dóttur hans 4. mars.
Breska lögreglan segir að taugaeitur hafi verið notað til að reyna að ráða þau af dögum en feðginin eru bæði á batavegi. Júlía var útskrifuð af sjúkrahúsi fyrr í vikunni.