Varnarmálaráðuneyti Rússlands sendi frá sér yfirlýsingu í morgun þar sem fullyrt er að ekkert mannfall hafi orðið í árásum Breta, Bandaríkjamanna og Frakka á borgirnar Damaskus og Homs í Sýrlandi í nótt. 

Á blaðamannafundi í Moskvu í morgun sagði Sergei Rudskoi, hershöfðingi í rússneska hernum, að engar spurnir hefðu borist af mannskaða, hvorki á almennum borgurum né liðsmönnum Sýrlandshers. Það væri „einstakri hæfni“ hermanna Sýrlandshers að þakka, en þeir hefðu verið þjálfaðir af rússneskum sérfræðingum.

103 loftskeytum skotið

Á fundinum var sagt að 103 loftskeytum hefði verið skotið í árásunum, þar á meðal Tomahawk-skeytum, en eldflaugavarnakerfi Sýrlandshers, sem er af gerðinni S-200 og er hannað og smíðað af Rússum, hefði tekist að hindra för 71 skeytis. 

Í ljósi þess þyrftu Rússar að endurmeta hvort þeir létu Sýrlandsher fá næstu kynslóð kerfisins, S-300, og það gildi um önnur lönd sem hafa keypt slíkan búnað af Rússum. 

Sjálfir nota Rússar S-300 og nýjustu útgáfu kerfisins, S-400 við að verja herstöðvar sínar í Sýrlandi.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Staðgengla- og tilraunastríð. Firrtir menn leiða hörmungar yfir milljónir fólks.