Ný tillaga um rannsókn á efnavopnaárásum

Nikki Haley, sendiherra Bandaríkjanna hjá Sameinuðu þjóðunum, greiðir atkvæði á ...
Nikki Haley, sendiherra Bandaríkjanna hjá Sameinuðu þjóðunum, greiðir atkvæði á fundi öryggisráðs Sþ í dag. AFP

Bandaríkin, Bretland og Frakkland lögðu í kvöld fram nýja ályktunartillögu í öryggisráði Sameinuðu þjóðanna um að ráðið rannsaki efnavopnaárásir í Sýrlandi. Samkvæmt tillögunni yrði skipuð óháð rannsóknarnefnd sem rannsaki ásakanir um að Sýrlendingar hafi gert efnavopnaárásir á svæði á valdi uppreisnarmanna og finni hina seku. 

Í ályktunartillögunni er þess einnig krafist, að hægt verði að koma hjálpargögnum óhindrað til þeirra svæða, sem orðið hafa fyrir árásum í Sýrlandi. Einnig er þess krafist að sýrlensk stjórnvöld taki þátt í friðarviðræðum undir forustu Sameinuðu þjóðanna.

AFP fréttastofan segir, að þessi tillaga undirstriki vilja vesturveldanna til að leita diplómatískra lausna á Sýrlandsdeilunni þótt fyrrnefndu ríkin hafi gert flugskeytaárás á efnageymslur og rannsóknarstofur í Sýrlandi í morgun.  

Rússar beittu þrívegis neitunarvaldi í öryggisráðinu í nóvember til að stöðva rannsókn Sþ á eiturvopnaárás á Khan Sheikhun í Sýrlandi í apríl í fyrra. 

Fyrr í dag var haldinn neyðarfundur í öryggisráðinu að kröfu Rússa, sem reyndu að fá samþykkta tillögu þar sem flugskeytaárásirnar í morgun yrðu fordæmdar. Þessi tillaga var felld með miklum mun. 

Nikki Haley, sendiherra Bandaríkjanna hjá  Sameinuðu þjóðunum, sagði á fundinum í dag að bandarísk stjórnvöld teldu ljóst að flugskeytaárásirnar í dag hefðu laskað efnavopnaverksmiðjur Sýrlendinga verulega. En Bandaríkin væru reiðubúin til að gera slíkar árásir aftur ef Sýrlendingar gerðu fleiri efnavopnaárásir.  

Bashar Jaafari, sendiherra Sýrlands hjá Sameinuðu þjóðunum, á fundi öryggisráðs ...
Bashar Jaafari, sendiherra Sýrlands hjá Sameinuðu þjóðunum, á fundi öryggisráðs Sþ fyrr í dag. AFP
mbl.is
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
EZ Detect skimpróf fyrir ristilkrabbameini
Eftir hægðir er Ez Detect prófblað sett í salernið. Ef ósýnilegt blóð er ti...
Fimm herbergja íbúð í Þingholtunum
Fimm herbergja íbúð til leigu með húsgögnum. Verð 295 þúsund. Íbúðin leigist rey...