Rússar heita því að skipta sér ekki af vinnu sérfræðinga alþjóðlegrar stofnunar um bann við efnavopnum (OPCW) sem komnir eru til Sýrlands til að rannsaka meinta notkun efnavopna gegn almennum borgurum í Douma fyrir nokkrum dögum. 

Sendiráð Rússa í Hollandi sendi frá sér yfirlýsingu vegna málsins í dag og í henni kemur fram að Rússar ætli sér ekki að skipta sér af störfum sérfræðinganna. Í yfirlýsingunni eru bandarísk stjórnvöld einnig gagnrýnd og sagt að loftárásir þeirra á laugardag hafi verið gerðar til að grafa undan starfi sérfræðinga OPCW.

Í morgun hófst neyðarfundur í höfuðstöðvum OPCW í Haag í Hollandi. Til fundarins mættu að minnsta kosti 41 fulltrúi þeirra ríkja sem aðild eiga að stofnuninni. Til fundarins var boðað til að ræða efnavopnaárásina.

Sérfræðingar OPCW munu staðfesta hvort að efnavopnum hafi verið beitt í Douma. Þeir munu hins vegar ekki reyna að leggja mat á það hver beri ábyrgð á árásinni.

Talsmenn Hvítu hjálmanna, hjálparsamstaka sem eru að störfum í Sýrlandi, eru meðal þeirra sem fullyrða að efnavopnum hafi verið beitt.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt