Fundu líkamsparta af konu

AFP

Búkur af konu fannst á föstudaginn á botni stöðuvatnsins Neusiedler See í Austurríki við landamærin að Ungverjalandi. Lögreglan hefur síðan fundið fleiri líkamsparta samkvæmt frétt AFP í kjölfar leitar á svæðinu.

Fram kemur í fréttinni að meðal annars hafi fundist tveir framhandleggir og tveir lærleggir í gærkvöldi. Kafarar fundu líkamspartana skammt frá þeim stað sem búkurinn fannst í nágrenni bæjarins Rust.

Talið er að líkamspartarnir hafi tilheyrt sömu manneskjunni að sögn saksóknarans Roland Koch en eftir er að framkvæma lífsýnarannsókn á þeim. Gert er ráð fyrir að það verði gert í dag.

Ekki liggur fyrir hver konan var eða hvernig hún lét lífið.

mbl.is
Fleira áhugavert
Fleira áhugavert