Indverskur trúarleiðtogi, sem er með milljónir fylgjenda um allan heim, var dæmdur sekur um nauðgun í morgun.

Asaram Bapu, 77 ára, var dæmdur í borginni Jodhpur fyrir að hafa nauðgað 16 ára gamalli stúlku í musteri sínu í borginni. Samkvæmt BBC er talið fullvíst að hann áfrýi dómnum. Hann er einnig ákærður fyrir nauðgun í Gujarat-ríki. Mikill viðbúnaður er í Jodhpur vegna málsins en óttast er að til átaka komi vegna dómsins. 

Um 400 musteri eru rekin á vegum Bapu víðs vegar um heiminn þar sem hann kennir hugleiðslu og jóga. Í fyrra var annar trúarleiðtogi dæmdur í 20 ára fangelsi fyrir nauðgun á Indlandi og létust 23 í ofbeldisöldunni sem fylgdi í kjölfar niðurstöðu dómsins.

Frétt af mbl.is

Lögregla ætlaði að hjálpa Singh að flýja

Tengdar fréttir

Kynbundið ofbeldi á Indlandi

Mótmæla nauðgun á níu ára stúlku

• 13 og 16 ára stúlkur fundust látnar
• Prestur handtekinn fyrir morð og nauðgun
• Hrottalegar nauðganir sem leiða til dauða
• Bálför án samþykkis fjölskyldu

» Fleiri tengdar fréttir

• Blogga um frétt