Þrítugur karlmaður var handtekinn í nótt grunaður um að bera ábyrgð á falli 18 ára gamallar stúlku af svölum í Stokkhólmi.
Samkvæmt frétt Dagens Nyheter voru lögregla og sjúkrabíll send á staðinn eftir að tilkynning barst á þriðja tímanum um að kona hefði fallið af svölum á þriðju hæð fjölbýlishúss í Norsborg-hverfinu.
Ekki er vitað hver tengsl mannsins eru við ungu konuna en lögregla vinnur að rannsókn málsins. Aðstæður á vettvangi voru aftur á móti þannig að lögregla telur að glæpur hafi verið framinn.