Macron mótmælt í París

Þúsundir tóku þátt í mótmælum á götum Parísar í dag, en markmiðið var að koma á framfæri óánægju við áform Emmanuels Macrons, forseta Frakklands, um breytingar á opinberum rekstri. Mótmælendur líktu Macron meðal annars við Drakúla, Napóleon og Margreti Thatcher.

Um 2.000 lögreglumenn voru kallaðir út til öryggis þar sem talin var hætta á því að þessi friðsamlegu mótmæli gætu endað eins og kröfugangan 1. maí, en þá kom til átaka vegna hóps grímuklæddra einstaklinga sem einkenna sig við stjórnleysisstefnu.

Frétt af mbl.is

Mikil átök í París

Mótmælagangan hófst á torgi óperunnar og bar viðburðurinn heitið „Veisla fyrir Macron.“ Átti heit göngunnar að vísa til þess að eitt ár er frá því að forsetinn tók til valda.

Lögreglan í París sagði að þátttakendur væru um 40 þúsund en skipuleggjendur hafa haldið því fram að fjöldinn hafi verið nær 160 þúsund. Smærri mótmælagöngur áttu sér stað einnig í borgunum Toulouse og Bordeaux.

Andstæðingar áformum Macrons um breytingar innan hins opinbera hafa mikið vísað til ferils forsetans úr fjármálagerianum. AFP

AFP

Emmanuel Macron franstilltur sem Lúðvík 16. sem steypt var af stóli í frönsku byltingunni. AFP

Jean-Luc Melenchon, leiðtogi vinstriflokksins hélt ræðu. AFP

Mikill fjöldu fulltrúa verkalýðsfélaga tóku þátt. AFP

• 2 blogg um fréttina

Bloggað um fréttina

• Ásgrímur Hartmannsson: Þá er Macron að gera eitthvað af viti
• Þorsteinn Siglaugsson: Blóðsugurnar