Her Sádi-Arabíu skaut niður tvær eldflaugar yfir höfuðborginni Riyadh í morgun.
Ríkisjónvarpið Al-Ekhbariya greindi frá þessu.
Tvær sprengingar heyrðust í í borginni, að sögn ljósmyndara AFP-fréttastofunnar.
Talsmaður ríkisstjórnar Sádi-Arabíu sagði að herinn hafi einnig, nokkrum klukkustundum fyrr, skotið niður eldflaug frá Jemen sem beint var að borginni Jizan í suðurhluta Sádi-Arabíu.
Stjórnvöld í Riyadh hafa lengi sakað Írani um að selja uppreisnarmönnum húta í Jemen eldflaugar.
Eldflaugaárásum húta á Sádi-Arabíu hefur fjölgað upp á síðkastið.