Sakar Ísraela um þjóðarmorð

Recep Tayyip Erdogan, forseti Ísraels.
Recep Tayyip Erdogan, forseti Ísraels. AFP

Recep Tayyip Erdogan, forseti Tyrklands, sakar ísraelsk stjórnvöld um að hafa framið þjóðarmorð eftir að hersveitir Ísraela drápu að minnsta kosti 55 Palestínumenn á Gaza.

„Ísrael er ríki óttans,“ sagði Edrogan við tyrkneska nemendur í London í ræðu sem var sýnd í ríkissjónvarpinu í Tyrklandi.

„Ísrael hefur framið þjóðarmorð. Ég fordæmi þennan mannlega harmleik og þjóðarmorð, hvaðan sem þetta kemur, frá Ísrael eða Bandaríkjunum,“ bætti hann við.

Bekir Bozdag, aðstoðarforsætisráðherra Tyrklands, sagði jafnframt við blaðamenn í borginni Ankara að Tyrkland ætli að draga sendiherra sína frá Bandaríkjunum og Ísrael „til að ráðfæra sig við þá“ eftir atburði dagsins á Gaza.

Palestínumenn halda á særðum mótmælenda á Gaza.
Palestínumenn halda á særðum mótmælenda á Gaza. AFP

Sagði Hamas-samtökin bera ábyrgð

Raj Shah, talsmaður Hvíta hússins, sagði á blaðamannafundi fyrr í dag að Hamas-samtökin bæru ábyrgð á dauðsföllunum. „Hamas er vísvitandi að ögra til að fá fram þessi viðbrögð,“ sagði hann. „Ísrael hefur rétt til að verja sig.“

mbl.is

Bloggað um fréttina

VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Nudd Nudd Nudd
Relaxing Massage Downtown Reykjavik. S. 6947881, Alina...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...