Hóta að hætta við fundinn

Norður-Kórea hefur hótað því að hætta við leiðtogafund Kim Jong-un og forseta Bandaríkjanna, Donald Trump ef Bandaríkin gera kröfu um að N-Kórea eyði öllum sínum kjarnorkuvopnum einhliða.

Leiðtogafundurinn á að fara fram 12. júní og er hans beðið með mikilli eftirvæntingu. Aðstoðarutanríkisráðherra Norður-Kóreu, Kim Kye-gwan, sendi í nótt frá sér yfirlýsingu þar sem hann sakar Bandaríkin um gálausar fullyrðingar að undanförnu og beinir orðum sínum sérstaklega til þjóðaröryggisráðgjafa forsetans, John Bolton. Segir hann yfirvöld í Norður-Kóreu hafa verulegar efasemdir um getu hans og hæfni.

Donald Trump og Kim Jong-Un.
Donald Trump og Kim Jong-Un. AFP
mbl.is
Fleira áhugavert
Fleira áhugavert