Mark Zuckerberg, stofnandi Facebook, hefur samþykkt að mæta á fund þingmanna Evrópuþingsins til að svara spurningum þeirra um notkun á persónuupplýsingum notenda samfélagsmiðilsins.

Þingmenn ESB og breska þingsins hafa þrýst á Zuckerberg að sitja fyrir svörum í kjölfar hneykslismálsins sem varð er fjölmiðlar greindu frá því að fyrirtækið Cambridge Analytica hefði nýtt persónuupplýsingar Facebook notenda til að aðstoða Donald Trump við að hafa sigur í bandarísku forsetakosningunum.

Þingmenn hafa „samþykkt að Mark Zuckerberg komi og skýri betur mál í tengslum við notkun persónuupplýsinga á fundi með fulltrúum Evrópuþingsins,“ sagði í yfirlýsingu frá Antonio Tajani, forseta Evrópuþingsins. Segir hann fundinn kunna að eiga sér stað strax í næstu viku.

Tengdar fréttir

Facebook og Cambridge Analytica

Facebook lokar á tugþúsundir app forrita

• Nýr „Hvers vegna sé ég þetta?-hnappur“
• Cambridge Analytica flaggað fyrr en talið var
• Haga sér eins og „stafrænir glæpamenn“
• Facebook lögsótt í Washington DC

» Fleiri tengdar fréttir

• Blogga um frétt