Ebóla greinist í borginni

Starfsmenn sjúkrahúss í Austur-Kongó undirbúa sig fyrir skoðun sjúklinga.
Starfsmenn sjúkrahúss í Austur-Kongó undirbúa sig fyrir skoðun sjúklinga. AFP

Ebólu-faraldurinn sem nú hefur brotist út í Austur-Kongó er ekki lengur bundinn við dreifbýli. Heilbrigðisráðuneyti landsins hefur nú staðfest að fyrstu tilfellin í borginni Mbandaka hafi komið upp í byrjun maí. Borgin er miðstöð viðskipta og þaðan liggja vegir til höfuðborgarinnar Kinshasa.

Að minnsta kosti 43 hafa sýkst af ebólu í Austur-Kongó og 23 hafa látist úr sjúkdómnum. Alþjóðaheilbrigðismálastofnunin segir að ebólutilfelli hafi greinst í þremur heilbrigðisumdæmum landsins. Stofnunin segir að heilbrigðisstarfsmenn hafi borið kennsl á um 430 af um 4.000 manns sem taldir eru hafa komist í snertingu við sjúkdóminn með einum eða öðrum hætti.

Ekkert bóluefni gegn ebólu er enn á markaði en lyf sem framleitt er af Merck gaf góða raun í tilraunum sem gerðar voru er ebóla braust út í Vestur-Afríku. Bóluefni þetta þarf að geyma í miklum kulda eða í um 60-80 gráða frosti. Rafmagn er af skornum skammti og óáreiðanlegt í Austur-Kongó, er bent á í frétt BBC um faraldurinn.

Á árunum 2014 til 2016 létust um 11.300 manns úr ebólu í Gíneu, Líberíu og Síerra Leóne.

mbl.is
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Múrverk
Múrverk...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Fjarnámskeið í ljósmyndun - fyrir alla
Lærðu á myndavélina þina, lærðu að taka enn beti myndir. Nú getur þú lært ljósmy...