Eldgosið sendir stórgrýti langar leiðir

Eldfjallið Kilauea á Hawaii kastar frá sér grjóti á stærð við heimilistæki og yfirvöld segja að þetta gæti versnað. Eldgos hófst í Kilauea fyrir um tveim vikum og hafa hrauntungur gossins valdið verulegu tjóni. Heimili hafa eyðilagst og margir þurft að flýja rýmingarsvæði.

Fram kemur á vef BBC, að öskustrókurinn úr fjallinu nái yfir þriggja km hæð og hann sést úr alþjóðlegu geimstöðinni. Flugmönnum hefur verið varað við að fljúga í grennd við gossvæðið. Þá hafa jarðskjálftar að stærð 4,4 fundist á stærstu eyjunni.

Frétt af mbl.is

Rauð viðvörun vegna eldgossins

Gígur eldfjallsins hefur verið að síga sem skapar þrýsting neðar í fjallinu. Þetta veldur jarðskjálftunum og skapar hættu á sprengigosi vegna gufu. Þegar hraun mætir vatni neðanjarðar breytist vatnið í gufu sem þarf meira rými og þrýstingurinn er talinn geta valdið sprengingum.

Grjóthnullungar, allt að 60 sentímetrar að þvermáli, hafa fundist talsverða lagnt frá gígnum og er talið að sprengingar gætu kastað slíkum steinum rúmlega kílómeter.

• Blogga um frétt