Lést eftir að rafretta sprakk

Bandaríkjamaður lést í kjölfar þess að rafretta sprakk og hlutur úr henni flaug í höfuðkúpu mannsins. Þá kviknaði einnig í heimili hans.

Samkvæmt frétt BBC, fundu slökkviliðsmenn lík hins 38 ára Tallmadge D'Elia í kjölfar bruna á heimili hans, í Sankti Pétursborg í Flórída, þann 5. maí síðastliðinn. Upphaflega var talið að bruninn hafði orðið honum að bana en brunasár voru um 80% af líkama D'Elia.

Við krufningu fundust hlutir úr rafrettunni í höfði D'Elia og var dánarosök rakin til þess að rafrettan hafi sprungið. Þetta er fyrsta dauðsfall í Bandaríkjunum vegna rafrettu og var dauði mannsins úrskurðaður slys.

Það er ekki ljóst hvers vegna rafrettan sparkk, en hún er framleidd af Smok-E Mountain. Hinsvegar hafði rafrettunni verið breytt til þess að auðvelda aðgengi að rafhlöðu hennar. Afleiðing þessa var að rafspenna rafrettunnar var ekki takmörkuð með sama hætti og gerist í hefðbundnum rafrettum.

Rafhlöðunni að kenna

Fulltrúi framleiðendans, Smok-E Mountain, hefur sagt við fjölmiðla að það hafi verið rafhlöðunni að kenna að rafrettan hafi sprungið, einnig að þetta gæti verið tengt munnstykkinu.

Rafrettur nota litíum rafhlöður, en slíkar rafhlöður eru einnig notaðar í snjallsíma og önnur raftæki þar sem þau geta geymt meira rafmagn en hefðbundnar rafhlöður. Notkun litíum rafhlaðna er mjög útbreidd og eru dæmi um að þær hafi skapað hættu. 2016 þurfti Samsung að stöðva framleiðslu Samsung Galaxy S7 Note símans vegna hættu sem fylgdi í notkun rafhlöðunnar í símanum.

Frétt af mbl.is

Noti ekki Samsung vegna eldhættu

Samkvæmt eldvarnarstofnun Bandaríkjanna hafa verið 195 tilfelli þar sem hafa orðið sprengingar eða komið upp eldur orsakað af rafrettum, á árunum 2009 - 2016. Afleiðingar þessa hafa verið 133 tilfelli þar sem einstaklingur hefur slasast, af þeim 38 alvarlega.

2015 í Colorado sprakk rafretta manns í andlitið á honum sem gerði það að verkum að hann hálsbrotnaði og olli skemmdum í tanngarði.

• Blogga um frétt