Verða líklega lengur í tollabandalagi

AFP

Bresk stjórnvöld hafa í hyggju að tilkynna Evrópusambandinu að Bretland sé reiðubúið til þess að vera áfram í tollabandalagi með sambandinu eftir árið 2021.

Ráðherrar ríkisstjórnar landsins hafa enn ekki komið sér saman um það hvernig þeir vilji að tengslin við Evrópusambandið verði í framtíðinni eftir að Bretar hafa yfirgefið sambandið samkvæmt frétt breska dagblaðsins Daily Telegraph.

Málið hefur einkum snúist um landamæri Norður-Írlands, sem er hluti Bretlands, og Írlands en áhersla er á að tryggja sem minnstar hindranir þar á milli, einkum þegar kemur að viðskiptum og fólksflutningum, líkt og raunin er í dag. Ekki hefur enn fundist lausn í þeim efnum sem bæði Evrópusambandið og bresk stjórnvöld hafa getað sætt sig við.

Einnig spilar þar inn í að flókin tækni sem innleiða þarf til þess að Bretar geti sagt skilið við tollabandalag með Evrópusambandinu er ekki fyrir hendi og verður að líkindum ekki fyrr en árið 2023.

Harðir stuðningsmenn útgöngu Bretlands úr Evópusambandinu hafa lýst áhyggjum sínum af því að verði Bretland lengur í tollabandalagi með sambandinu gæti það orðið varanlegt fyrirkomulag.

mbl.is
Peysur
Tískuverslunin Smart Grímsbæ/Bústaðavegi Peysur Sími 588 8050. - vertu vinur...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
EAE Bílalyftur 2 pósta og skæralyftur 1 og 2 metra 3-4-5 tonna
Eigum á lager skæralyftur 3 tonna sem lyfta 1 m og einnig niðurfellanlegar 3 to...