Um sex milljónir manna hafa tjáð sig um brúðkaup Harrys Bretaprins og bandarísku leikkonunar Meghan Markle á Twitter. Þetta kemur fram í úttekt frönsku upplýsingaveitunnar um samfélagsmiðla, Visibrain.
Milli klukkan 22 í gærkvöldi og klukkan 18 í dag, íslenskum tíma, höfðu 5.958.379 tíst verið sett á Twitter á heimsvísu um brúðkaupið, þar af voru 4,5 milljónir tísta með myllumerkið #RoyalWedding.
Þetta eru heldur fleiri tíst en þegar bróðir hans Vilhjálmur gekk að eiga Kate Middleton í apríl 2011. Þá var „eingöngu“ tíst 1.774.435 sinnum um brúðkaupið, en Twitter hafði þá aðeins verið til síðan 2006 og var notkun miðilsins ekki jafn útbreidd og nú. Þó má nefna að Harry hefur mælst vinsælli en Vilhjálmur í könnunum.
Þá hefur hið konunglega brúðkaup einnig vakið athygli á samfélagsmiðlum hérlendis. Ýmislegt bar á góma í tístunum, hvort sem um var að ræða geggjaða hatta, hvort bein útsending yrði frá brúðkaupsnóttinni og hvort Harry fengi dvalarleyfi í Bandaríkjunum.
Þetta er allt fullkomið! Öðruvísi brúðkaup að mörgu leyti en samt svo fullkomið, dásamlegur kjóll, ástfangin hjón, gospel kór og geggjaðir hattar! #royalwedding
— Áslaug Arna (@aslaugarna) May 19, 2018
Ekki séns að þessir krakkar séu ekta. Í brúðkaupi okkar hjóna var sonur okkar eins og skrúfulaust skemmtiferðaskip út um alla kirkjuog neitaði að gefa okkur hringana. Kaupi þetta breska uppeldi ekki #royalwedding
— Styrmir Sigurðsson (@StySig) May 19, 2018
Verður örugglega ekki bein útsending frá brúðkaupsnóttinni? #kleenex
— Pétur Örn (@gramedlan) May 19, 2018
Will Harry get the Green Card ? Or will he have to be stuck working in UK ??? #RoyalWedding2018 #TheRoyalWedding2018 #royalwedding pic.twitter.com/ioOvbS3Jwm
— Einar Bardar (@Einarbardar) May 19, 2018
Æ hvað mig langar að taka utan um mömmu Markle, hún er eitthvað svo ein þarna og tilfinningarnar að buga hana. Vill einhver vinsamlegast. #RoyalWedding #RÚV
— Nína Richter (@Kisumamma) May 19, 2018