Beita Íran hörðustu viðurlögum sögunnar

Mike Pompeo, utanríkisráðherra Bandaríkjanna.
Mike Pompeo, utanríkisráðherra Bandaríkjanna. AFP

Utanríkisráðherra Bandaríkjanna, Mike Pompeo, tilkynnti rétt í þessu að Bandaríkin hygðust setja „hörðustu viðurlög sögunnar“ á Íran.

Samkvæmt frétt BBC sagði Pompeo í ræðu í Washington að Íran myndi þurfa að berjast við að halda efnahagi landsins á floti eftir að þvinganirnar tækju gildi.

Hann sagði að ríkisstjórnin myndi í samstarfi við varnarmálaráðuneytið koma í veg fyrir hvers kyns árásir frá Íran.

Fyrr í mánuðinum tók Donald Trump forseti þá ákvörðun að draga Bandaríkin úr kjarnorkusamningnum við Íran og boðaði hertar viðskiptaþvinganir.

Í fyrstu stóru utanríkisstefnuræðu sinni tilkynnti Pompeo um „áætlun B“ í aðgerðum gegn Íran.

Hann setti fram tólf skilyrði þess að möguleiki væri á nýjum samningi við yfirvöld í Tehran. Meðal þeirra var krafa um að Íran afturkallaði allar hersveitir sínar frá Sýrlandi og hættu stuðningi við uppreisnarmenn þar í landi.

„Leiðtogarnir í Tehran munu ekki efast um að okkur er alvara,“ sagði Pompeo, og Íran hefði aldrei aftur óbeislað vald yfir Mið-Austurlöndum.

mbl.is
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Bækur til sölu..
Tl sölu bækur..Vestur íslenskar æviskrár 1-5 bindi..Hraunkotsætt.. Lygn sreymir...