Donald Trump, forseti Bandaríkjanna, og Moon Jae-in, forseti Suður-Kóreu, munu hittast í dag í Hvíta húsinu í Washington, höfuðborg Bandaríkjanna. Fundurinn er talinn sérstaklega mikilvægur í ljósi ríkjandi óvissu um hvort verði af fundi Trumps og Kim Jong-un, leiðtoga Norður-Kóreu, sem staðið hefur til að halda 12. júní. Þetta kemur fram í frétt Yonhap-fréttastofunnar.

Moon er talinn vilja miðla málum milli Bandaríkjanna og Norður-Kóreu eftir að samskiptin fóru nýverið að harðna. Norður-Kórea hefur meðal annars sakað Suður-Kóreu og Bandaríkin um að hafa áform um að steypa leiðtoga Norður-Kóreu af stóli, og vinda ofan af kommúnísku þjóðfélagsskipulagi í landinu.

Í síðustu viku hættu norðurkóresk yfirvöld við viðræður við Suður-Kóreu. Ástæðan var sögð sameiginleg hernaðaræfing Suður-Kóreu og Bandaríkjanna. Kim hefur einnig hótað því að hætta við friðarviðræður við Bandaríkin sem áætlaðar eru 12. júní í Singapúr.

Frétt af mbl.is

Hóta að hætta við fundinn

Yonhap hefur eftir Nam Gwan-pyo, aðstoðarforstjóra þjóðaröryggisráðs forseta Suður-Kóreu, að hann vonast til að komandi fundur Suður-Kóreu og Bandaríkjanna muni geta brúað bilið milli Bandaríkjanna og Norður-Kóreu. Hann sagði einnig að Trump og Moon munu líklega ræða með hvaða hætti sé hægt að tryggja farsæla kjarnorkuafvopnun Norður-Kóreu.

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt