4.600 létust á Púertó Ríkó
Setja bókamerki
4.600 manns létust vegna fellibylsins Maríu sem fór yfir Púertó Ríkó í haust. Það er sjötíu sinnum meira mannfall en getið er um í opinberum tölum. Þetta er niðurstaða rannsóknar Harvard-háskóla sem greint er frá á vef breska ríkisútvarpsins.
Þriðjung dauðsfallanna má rekja til skertrar heilbrigðisþjónustu, m.a. vegna rafmagnsleysis, sem og vegna rofs í samgöngum en margir vegir urðu ófærir í kjölfar fellibylsins.
Viðtöl sem tekin voru í tengslum við rannsóknina sýna að dánartíðni jókst um 60% á þremur mánuðunum eftir að fellibylurinn gekk yfir. Samkvæmt opinberum tölum um dauðsföll vegna fellibylsins létust 64 vegna hans.
Sérfræðingar segja að erfitt hafi reynst að meta mannfallið vegna útbreiddrar eyðileggingar á eyjunni.
Púertó Ríkó tilheyrir Bandaríkjunum þótt þar sé töluverð sjálfsstjórn.
Tveir í bílnum sem lenti utan vegar
Árshátíð ríkislögreglustjóra haldin í Tékklandi
Sex hafa greinst með listeríu
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi
„Hvílir mikil leynd yfir þessu öllu“
Handteknir eftir myndatöku í Vesturbæjarlaug