Vilja neyðarfund hjá öryggisráði

Nikki Haley á fundi öryggisráðs SÞ fyrr í mánuðinum.
Nikki Haley á fundi öryggisráðs SÞ fyrr í mánuðinum. AFP

Bandarísk stjórnvöld hafa óskað eftir neyðarfundi hjá öryggisráði Sameinuðu þjóðanna vegna eldflauga- og sprengjuárása Palestínumanna á Ísrael.

Búist er við því að öryggisráðið hittist á morgun til að ræða árásirnar á Gasa-svæðinu sem Hamas-samtökin og samtökin Islamic Jihad sögðust ábyrg fyrir.

Ísraelar svöruðu með loftárásum á bækistöðvar samtakanna tvennra.

„Sprengjuárásir palestínskra vígamanna voru gerðar á húsnæði almennra borgara, þar á meðal leikskóla,“ sagði sendiherra Bandaríkjanna hjá Sameinuðu þjóðunum, Nikki Haley, í yfirlýsingu.

Krafðist hún þess að öryggisráðið brygðist við.

Átökin urðu í framhaldinu af mótmælum á Gasa þar sem tugir Palestínumanna voru drepnir af Ísraelum.

mbl.is
NP þjónusta
NP Þjónusta Óska eftir að annast bókhaldsvinnu og fleira þess háttar. Upplýsinga...
INTENSIVE ICELANDIC,ENGLISH, NORWEGIAN & DANISH f. foreigners - ÍSLENSKA f. útl - - ENSKA f. fullorðna - DANSKA- NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2019:SPRINGTERM / VO...
Múrverk
Múrverk...
Eyjasol íbúðir og sumarhús.....
Fallegar 2- 3ja herb. íbúðir fyrir ferðafólk og íslendinga á faraldsfæti. Allt ...