Sérsveit frönsku lögreglunnar rýmdi í dögun stærstu búðir efnahagslegra flóttamanna (migrants) í höfuðborginni, París. Alls bjuggu um 1.700 manns í tjöldum í búðunum sem nefndar eru „Millenaire“.
Fólkinu verður komið tímabundið í húsaskjól á rúmlega 20 stöðum víða í París og úthverfum á meðan yfirvöld fara yfir pappíra þeirra, segir innanríkisráðherra Frakkland, Gerard Collomb, í tilkynningu sem ráðuneytið sendi frá sér snemma í morgun.
Sérsveitarmenn (Compagnies Républicaines de Sécurité abbreviated), CRS, komu á staðinn í dagrenningu, sumir og bátum, en búðirnar eru við Saint Denis skurðinn, og aðrir með bílum og fyrirskipuðu fólki að yfirgefa tjöld sín. Þaðan var fólkið flutt með rútum á brott á nýja staði.
Einn þeirra sem AFP fréttastofan ræddi við er frá Líbýu og kom til Parísar fyrir sjö mánuðum síðan. Hann sagðist ekki vita hvert yrði farið með þá. Hann segir að vistin við skurðin hafi verið erfið. Flestir þeirra sem voru í búðunum koma frá Súdan, Sómalíu og Erítreu og eru á flótta undan örbrigð í heimalöndum sínum.
Fólksflutningurinn tók um sex klukkustundir en eins er unnið að rýmingu í tveimur öðrum tjaldbúðum við St Martin skurðinn. Í öðrum búa um 800 manns en flestir þeirra eru Afganir en í hinum, sem eru í Porte de la Chapelle, sem er í 18. hverfi, búa 300-400 manns. Ljúka á rýmingu í næstu viku.
Þetta er í 35 skiptið sem tjaldbúðir sem þessar eru rýmdar í París á þremur árum.