Króatíska lögreglan særði tvo tólf ára gamla flóttadrengi alvarlega á landamærum Bosníu en þeir voru farþegar í flutningabíl sem stöðvaði ekki þrátt fyrir að lögregla hafi gefið bílstjóranum merki þar um. Lögreglumennirnir skutu á flutningabílinn en í bílnum voru 29 flóttamenn, þar á meðal drengirnir tveir sem eru frá Afganistan og Írak. 

Atvikið átti sér stað í gærkvöldi. Drengirnir voru fluttir á sjúkrahús og er ástand þeirra stöðugt. 

Ökumaður flutningabílsins, en bíllinn var á austurrískum númerum, flúði inn í skóg og er hans leitað. Samkvæmt upplýsingum frá lögreglu var í tvígang reynt að stöðva flutningabílinn án árangurs. Flestir flóttamannanna eru frá Írak og Afganistan en alls voru 15 börn um borð.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt