Hæstiréttur dæmdi bakara í vil

Hæstiréttur Bandaríkjanna hefur dæmt bakaranum Jack Phillips frá ríkinu Colorado í vil en hann neitaði að baka brúðkaupstertu fyrir samkynhneigt par vegna trúarskoðana sinna.

Frétt af mbl.is

„Tertumálið“ tekið fyrir í dag

Í dómi Hæstaréttar, með sjö atkvæðum gegn tveimur, kom fram að þrátt fyrir að mannréttindanefnd í Colorado hafi úrskurðað að bakaríið Masterpiece Cakeshop verði að þjóna öllum viðskiptavinum, sama hver kynhneigð þeirra er, hafi nefndin sýnt af sér „greinilegan og óleyfilegan fjandskap í garð einlægra trúarskoðana“ bakarans.

Þar með braut nefndin á trúarréttindum bakarans samkvæmt bandarísku stjórnarskránni.

Jack Phillips að störfum. AFP

Hæstiréttur tók aftur á móti ekki eindregna afstöðu til þess hvort fyrirtæki geti neitað að þjóna samkynhneigðum vegna trúarskoðana.

AFP

• Blogga um frétt