Vill „nýtt samband“ við Bandaríkin
Setja bókamerki
Norðurkóreskur ríkisfjölmiðill vonast til þess að landið muni „efna til nýs sambands“ við Bandaríkin. Hingað til hafa ríkisfjölmiðlar í Norður-Kóreu talað illa um Bandaríkin og því er um nýjan tón að ræða í samskiptunum, enda munu þeir Donald Trump Bandaríkjaforseti og Kim Jong-un, leiðtogi Norður-Kóreu, funda í Singapore á morgun.
Trump sagði á Twitter að frábært væri að vera kominn til Singapore og að spenna væri í loftinu.
Forsetinn vonast til að fundurinn verði til þess að Norður-Kórea hefji afvopnunarferli sitt á kjarnavopnum.
Lítið hefur verið greint frá fundi Kims og Trumps í fjölmiðlum í Norður-Kóreu undanfarna daga en í norðurkóreska ríkisfjölmiðlinum Rodong Sinmun var staðfest að Kim væri kominn til Singapore til að hitta Trump.
Þar kom einnig fram að „við munum efna til nýs sambands vegna þess að nýir tímar krefjast þess“," að sögn BBC.
Einnig kom fram í fjölmiðlinum að skipst verði á skoðunum á fundinum með því takmarki að „efna til langvarandi og friðsamlegs stjórnarfars á Kóreuskaganum til að hægt sé að leysa sameiginleg vandamál, þar á meðal afvopnun á Kóreuskaganum“.
„Jafnvel þótt þjóð hafi átt fjandsamleg samskipti við okkur í fortíðinni er okkar skoðun að ef þjóð virðir sjálfstæði okkar...munum við reyna að bæta samskiptin með því að tala saman,“ segir í fjölmiðlinum.
Hernaðaraðstoð samþykkt – Vopnasendingar í vikunni
Tóku upp hanskann fyrir leikskólabörn
Árshátíð ríkislögreglustjóra haldin í Tékklandi
Vona að Orkustofnun veiti ekki virkjunarleyfi
„Skýr skilaboð til Seðlabankans“
Verðbólgan komin niður í 6%
„Okkur miðar í rétta átt“
Skiptir miklu meira máli en fólk grunar