Franski ljósmyndarinn sem varð þess valdur að afhendingu Nóbelsverðlauna var frestað hefur verið ákærður fyrir nauðgun. Jean-Claude Arnault er grunaður um tvær nauðganir sem ná aftur til ársins 2011.

Samvkæmt frétt BBC mun Arnault hafa neitað öllum liðum ákærunnar. Sænska akademían ákvað í síðasta mánuði að fresta afhendingu Nóbelsverðlauna vegna gangrýni fyrir að hafa tekið illa á málinu, en Arnault er eiginmaður Kat­ar­inu Frosten­son, fyrrum meðlims akademíunnar.

Frétt af mbl.is

Nóbelsnefnd að liðast í sundur

Saksóknari í málinu segir að sönnunargögn gegn Arnault séu sterk og að þau myndu nægja til sakfellingar. Lögmaður Arnault er hins vegar ekki á sama máli og segir misræmi vera í framburði, að engin tæknileg sönnunargögn séu til staðar og en engin bein vitni, auk þess sem langt sé síðan atburðirnir áttu sér stað.

Báðar nauðganirnar sem Arnault er sakaður um voru framdar gegn sömu konunni, en ekki er enn vitað hver hún er.

Málið komst upp á yfirborðið á síðasta ári í kjöfar #metoo-byltingarinnar þegar 18 konur stigu fram og sökuðu Arnault um kynferðislega áreitni og ofbeldi. Upp úr dúrnum kom einnig að hann hefði áreitt Viktoríu krónprinsessu Svía kynferðislega í matarboði árið 2004.

Frétt af mbl.is

Áreitti krónprinsessuna

Tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

• Blogga um frétt