Kim bauð Trump til Norður-Kóreu

AFP

Kim Jong-un, leiðtogi Norður-Kóreu, bauð Donald Trump, forseta Bandaríkjanna, í heimsókn til Pyongyang, höfuðborgar landsins, á sögulegum fundi þeirra sem fór fram í Singapúr í nótt. Forsetinn mun hafa þegið boðið og jafnframt boðið Kim í heimsókn til Bandríkjanna, að fram kemur í ríkissfjölmiðlum Norður-Kóreu. Ekki var talað um neina dagsetningu í tengslum við heimsóknina að öðru leyti en þegar forsetanum hentaði. AFP-fréttastofan greinir frá.

„Leiðtogarnir samþykktu heimboð hvors annars með glöðu geði og eru sannfærðir um að það muni styrkja enn frekar samband ríkjanna tveggja,“ sagði fréttaþulurinn. Er um að ræða fyrstu fréttir norðurkóreskra fjölmiðla af fundinum, en einnig var greint frá því að hann markaði róttækar breytingar á sambandi þjóðanna.

Að því að fram kemur sagði sagði Kim nauðsynlegt að ríkin tvö hættu að espa upp óvild í garð hvors annars áður en kjarnorkuafvopnun Kóreuskagans yrði að raunveruleika. Ríkin yrðu að heita hvort öðru því. Það væri nauðsynlegt til að skapa frið og stöðugleika á svæðinu.

mbl.is
ÞVOTTAVÉL
TIL SÖLU GÓÐ AEG ÞVOTTAVÉL. NÝ KOL. VERÐ 45Þ.Þ. UPPL. Í 822-4850....
Nudd Nudd Nudd
Relaxing Massage Downtown Reykjavik. S. 6947881, Alina...
Laust um næstu helgar - Biskupstungur..
Hlýleg og falleg sumarhús til leigu. Gisting fyrir 5-6. Heit laug og leiksvæði.....
Stórkostlegt úrval af Nuddbekkjum frá 46.000 ....
Stórkostlegt úrval af Nuddbekkjum frá 46.000 .... www.egat.is sími 8626194...