Ráðgjafi Trumps fékk hjartaáfall
Setja bókamerki
Larry Kudlow, helsti efnahagsráðgjafi Donalds Trump Bandaríkjaforseta, fékk „mjög vægt“ hjartaáfall og liggur nú á hersjúkrahúsi rétt fyrir utan Washington.
Trump og Hvíta húsið greindu frá þessu.
„Hinn frábæri Larry Kudlow, sem hefur lagt mjög hart að sér vegna viðskiptamála og efnahagsins, fékk hjartaáfall,“ skrifaði Trump á Twitter, skömmu áður hann fundaði með Kim Jong-un, leiðtoga Norður-Kóreu í Singapore. „Hann er núna í Walter Reed-sjúkrahúsinu.“
Í yfirlýsingu Hvíta hússins sagði að Kudlow, sem er sjötugur, hafi fengið „mjög vægt“ hjartaáfall.
Þar kom fram að ástand hans væri gott og að læknarnir búist við því að hann eigi eftir að ná sér að fullu.
Stutt er síðan Kudlow sagði eftir fund Trump með leiðtogum hinna G7-ríkjanna að Justin Trudeau, forsætisráðherra Kanada, hefði stungið Bandaríkin í bakið á fundinum.
Segjast ekki vera á kaldri slóð
Segjast hafa skotið niður langdræga sprengjuvél
Gerir ráð fyrir 150 samningum í næstu viku
Mikilvægt að vera á tánum
Færa slökkviliðið til nútímans
„Búið að vera í dreifingu í einhvern tíma“
Bjarkey stendur við skammarbréf Svandísar
Sárt að horfa upp á illa meðferð fjármuna