Fjölmiðlar í N-Kóreu himinlifandi
Setja bókamerki
Norður-kóreskir ríkisfjölmiðlar hafa fagnað fundi Donalds Trump Bandaríkjaforseta og Kims Jong-ung, leiðtoga Norður-Kóreu, ákaft og telja hann mikinn sigur fyrir landið.
Leiðtogarnir tveir hittust í gær og undirrituðu sáttmála um kjarnaafvopnun og að draga úr spennu á Kóreuskaganum.
Strangt eftirlit er haft með norðurkóreskum fjölmiðlum og mjög sjaldan er greint frá athöfnum Kims Jong-un í rauntíma.
Fundurinn sögulegi í gær var aftur á móti á forsíðum blaðanna í Norður-Kóreu. Dagblaðið Rodong Sinmun sagði að um „fund aldarinnar“ hafi verið að ræða, að sögn BBC.
Fréttastofan KCNA birti grein á ensku þar sem hún fagnaði viðræðunum og sagði þær bera vott um söguleg umskipti.
„Trump lýsti yfir vilja sínum til að stöðva sameiginlegar heræfingar Bandaríkjanna og Suður-Kóreu, veita Norður-Kóreu tryggingu fyrir auknu öryggi og að aflétta viðskiptaþvingunum. Hann vildi bæta samskipti þjóðanna með samtölum og samningaviðræðum;“ sagði í grein KCNA.
Leiðtogunum tveimur var lýst sem jafningjum á fundinum og vitnað í Kim þar sem hann sagði mikilvægt „að taka ákvarðanir með hugrekki að leiðarljósi um að draga úr pirringi og fjandsamlegum hernaðaraðgerðum á milli þjóða“.
Fiskikóngurinn: „Mér fannst sárt að heyra það“
Myndskeið: „Fólk var komið ískyggilega nálægt“
Íslendingar ein mest einmana þjóð heims
„Mér finnst Halla Hrund svona Vigdísarleg“
Katrín: Jóhönnustjórnin talaði máli Íslands
Búið að bólusetja börn alla helgina
Bifreið ekið á skrifstofu Útlendingastofnunar