Klifurþvottabjörn vekur heimsathygli

Þessi þvottabjörn lætur sér nægja að klifra í tré, annað ...
Þessi þvottabjörn lætur sér nægja að klifra í tré, annað en ofurhuginn sem kleif 23 hæða byggingu. AFP

Þvottabjörn hefur vakið mikla athygli á samfélagsmiðlum eftir að hann klifraði upp 23 hæða byggingu í borginni St. Paul í Minnesota í Bandaríkjunum. Ofurhuginn, sem kallast #MPRraccoon á samfélagsmiðlum, hlaut athygli eftir að starfsmenn MPR-útvarpsstöðvarinnar í næstu byggingu tóku eftir birninum og sögðu fregnir af honum á Twitter.

Að sögn BBC safnaðist hópur fólks saman til þess að fylgjast með þvottabirninum klifra upp og niður bygginguna, með einstaka pásum sem hann nýtti í að fá sér lúr á gluggasyllum. Þá hafði svæðissjónvarpsstöð klifur bjarnarins í streymi fyrir áhugasama.

Starfsmenn MPR-útvarpsstöðvarinnar urðu varir við brúna veru sem líktist ketti á syllu á fyrstu hæð byggingarinnar á þriðjudagsmorgun. Starfsmenn byggingarinnar ætluðu að hjálpa þvottabirninum niður af syllunni með plönkum en við það virtist dýrið verða hrætt og hélt þess í stað upp á við.

Ofurhuginn mun líklega hafa komist upp á þak byggingarinnar í nótt, en þar bíður hans gildra með mat. Áfangi hans verður þó ekki staðfestur fyrr en dýraverndarsinnar vitja búrsins í dag.

Þvottabjörninn hefur eignast aðdáendur víða sem meðal annars hafa vottað honum virðingu sína með listrænum hætti, eins og sjá má á Twitter-færslunum hér að neðan.



mbl.is
Byggingastjórn - Húsasmíðameistari
Löggiltur byggingarstjóri og húsasmíðameistari Tek að mér: - byggingarstjór...
Vetrardekk
Til sölu 4stk hálfslitin vetrardekk..205/55R16.. Verð kr 12000..Sími 8986048......
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Sólarsella til sölu.
2 sölarsellur til sölu, stór og minni ásamt slatta af ljósum og öryggisboxi. ve...