May stendur af sér Brexit-frumvarp

AFP

Theresa May, forsætisráðherra Bretlands, hrósaði sigri í þinginu í gær þegar frumvarp um „þýðingarmikla atkvæðagreiðslu“ (e. meaningful vote) var fellt með 324 atkvæðum gegn 298. Frumvarpið hefði gefið neðri deild breska þingsins aukið vægi í samningaviðræðum Bretlands við Evrópusambandið.

Ef til þess hefði komið að þingið hefði fellt lokasamkomulag bresku ríkisstjórnarinnar við Evrópusambandið um útgönguna úr sambandinu hefði ríkisstjórnin haft viku til að hefja nýjar viðræður. Þá var í frumvarpinu ákvæði um að þingið tæki við samningaviðræðum við Evrópusambandið ef þær hefðu enn ekki skilað niðurstöðu 15. febrúar, rúmum mánuði áður en fyrirhugað er að Bretar gangi úr sambandinu.

Stuttu áður en til atkvæðagreiðslunnar kom í þinginu fundaði May með 14 úr þingflokki Íhaldsmanna sem hugðust styðja tillöguna. Sannfærði May þá um að hún myndi samþykkja grunnhugmyndir tillögu þeirra.

Villikettirnir fjórtán, sem Dominic Grieve fór fyrir, hrósuðu ríkisstjórninni fyrir að hafa tekið vel í hugmyndir þeirra og sögðu ljóst að þeir yrðu hafðir með í ráðum þegar frumvarpið um að yfirgefa ESB fer til lávarðadeildarinnar á mánudag.

mbl.is
Byggingarstjóri
Byggingarstjóri 659 5648...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...