Bretar vilja fund í Öryggisráðinu vegna Jemen

Hersveitir jemenskra stjórnvalda í nágrenni flugvallarins í Hudaydah. Herinn hefur ...
Hersveitir jemenskra stjórnvalda í nágrenni flugvallarins í Hudaydah. Herinn hefur gert árásir á hafnarborgina í dag. AFP

Bresk stjórnvöld óskuðu í dag eftir fundi í Öryggisráði Sameinuðu þjóðanna vegna árása hersveita stjórnvalda í Jemen á hafnarborgina Hudaydah. Hersveitir stjórnvalda njóta stuðnings Sádí-Arabíu, en Hudaydah, er undir stjórn uppreisnarmanna.

Sameinuðu þjóðirnar hafa þegar vakið athygli á að árásirnar kunni að lama flutning hjálpargagna og matvæla til milljóna íbúa Jemen sem eru á barmi hungursneyðar og hvöttu, ásamt alþjóða Rauða krossinum, í morgun stríðandi fylkingar til að verja almenna borgar.

Búist er við að Öryggisráðið fundi á morgun og yrði það annar fundur ráðsins í þessari viku þar sem málefni Jemen yrðu rædd. Bretar óskuðu eftir fundinum eftir að Martin Griffiths, sendifulltrúa Sameinuðu þjóðanna í Jemen, greindi frá því að hann stæði í samningum um að halda höfninni í  Hudaydah áfram opinni.

Neyðaraðstoð vegna borg­ara­stríðsins í Jemen hef­ur að mestu leyti borist í gegn­um borg­ina og segir AFP-fréttastofan um 70% af öllum innflutningi til landsins koma um höfnina. Stjórnvöld í Jemen fullyrða hins vegar að uppreisnarmenn noti höfnina til að smygla vopnum til landsins,

Varað hef­ur verið við mikl­um harm­leik ef ráðist yrði á Hudaydah, en millj­ón­ir manna í þessu stríðshrjáða landi reiða sig á neyðaraðstoð.

Öryggisráðið sagði á mánudag að það styddi tilraunir Griffiths við að halda höfninni opinni, en óskaði ekki eftir að Sádi-Arabar eða Sameinuðu arabísku furstadæmin, sem styðja hersveitir jemenskra stjórnvalda, slepptu því að gera árás á Hudaydah.

Griffiths hefur staðið í viðræðum við uppreisnarmenn húta, um að Sameinuðu þjóðirnar fái yfirumsjón með höfninni, þannig að hægt sé að tryggja áframhaldandi birgðasendingar til íbúa.

Rúmlega 22 milljónir manna í Jemen þurfa á aðstoð að halda og blasir hungursneyð við 8,4 milljónum þeirra að mati Sameinuðu þjóðanna, sem telja ástandið í Jemen eitt versta í heiminum.

mbl.is
Nudd Nudd Nudd
Relaxing Massage Down Town Reykjavik, S. 7660348, Alina...
Cherokee hjólbarðar óskast
Óska eftir hjólbörðum fyrir Grand Cherokee stærð 225/75/16R eða 236/70/16R Uppl...
Útsala !!! Kommóða ofl..
Til sölu 3ja skúffu kommoða,ljós viðarlit.. Mjög vel útlítandi..Verð kr 2000.. ...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...