Vonast eftir afvopnun fyrir árslok 2020
Setja bókamerki
Bandaríkin binda vonir við að meiriháttar afvopnun kjarnavopna muni eiga sér stað fyrir lok ársins 2020, að sögn Mike Pompeo, utanríkisráðherra Bandaríkjanna. Hann ræddi við blaðamenn í Suður-Kóreu í dag, degi eftir sögulegan fund Donald Trump, forseta Bandaríkjanna, og Kim Jong-un, leiðtoga Norður-Kóreu. Á fundinum komust þeir að samkomulagi um að vinna að afvopnavæðingu kjarnavopna á Kóreuskaga.
Það hefur hins vegar verið gagnrýnt að ekki hafi verið gefið upp með hvaða hætti og hvenær Norður-Kórea ætlaði að losa sig við vopnin.
Pompeo ræddi um niðurstöðu fundarins og sagði að það væri enn mikil vinna eftir í sambandi við Norður-Kóreu. Hann sagðist þó vonast til að meiriháttar afvopnun myndi eiga sér stað innan tveggja og hálfs árs. Hann sagði sagðist þess fullviss að stjórnvöld í Pyongyang, höfuðborg Norður-Kóreu, gerðu sér grein fyrir mikilvægi staðfestingar eða sönnunar á því að verið væri að vinna að afvopnavæðingu.
Trump skrifaði sjálfur færslu á Twitter í dag þar sem hann sagði Norður-Kóreu ekki lengur vera kjarnorkuógn. Fólk ætti því að finna til meira öryggis.
Nauðgaði kærustu sinni og tók það upp
„Búið að vera í dreifingu í einhvern tíma“
Sárt að horfa upp á illa meðferð fjármuna
Almannavarnir auka viðbúnað
Unnu að fullum heillindum að kaupum á TM
Hæstiréttur staðfestir vanhæfi alls Landsréttar
Aðkoman í gripahúsið mjög slæm