Í mál við bræðralag vegna kynlífsmynda

Kathryn Novak segir fyrrverandi kærasta sinn hafa deilt myndum af ...
Kathryn Novak segir fyrrverandi kærasta sinn hafa deilt myndum af sér og öðrum konum með öðrum félögum bræðralagsins á leynilegri Facebook-síðu. Skjáskot/Michael Avenatti

Kona frá Arizona hefur nú höfðað mál gegn fyrrverandi kærasta sínum og öðrum liðsmönnum í bræðralagi  hans við Delta Sigma Phi bræðralagið við University of Central Florida fyrir að deila kynlífsmyndum af sér án sinnar heimildar.

Er kæran lögð fram á grundvelli kynferðislegrar misnotkunar, en í ákærunni segir að myndir og myndbönd af Kathryn Novak og öðrum konum hafi verið birtar á leynilegri Facebook síðu bræðralagsins, að því er BBC greinir frá.

Lögfræðingur Novak, Michael Avenatti, er einnig er lögfræðingur klámmyndaleikonunnar Stormy Daniels sem hefur átt í deilum við Donald Trump Bandaríkjaforseta og lögfræðing hans.

Novak segir að fyrrverandi kærasti sinn, Brandon Simpson, hafi deilt myndum og myndböndum af sér með öðrum liðsmönnum bræðralagsins án sinnar heimildar, en þau áttu í fjarsambandi á tímabilinu frá október 2017 og fram í febrúar 2018. Segir Avenatti í samtali við bandaríska dagblaði New York Times að að minnsta kosti eitt kynlífsmyndband hafi verið tekið upp án vitundar Novaks.

Lögfræðingurinn Michael Avenatti (t.h.) með leikkonunni Stormy Daniels.
Lögfræðingurinn Michael Avenatti (t.h.) með leikkonunni Stormy Daniels. AFP

Í ákærunni eru Simpson og aðrir félagar bræðralagsins sakaðir um að hafa deilt myndum og myndböndum af nöktum konum á Facebook-síðu sem þeir kölluðu Hundageymsluna. Þar deildu þeir myndum af kærustum sínum og öðrum konum án þeirra vitundar, m.a. þar sem þær höfðu verið myndaðar við kynlífsathafnir. 

Er myndband þar sem andlit Novaks er sýnilegt þannig sagt hafa verið sent til fimm félaga í bræðralaginu og en á það eiga síðan allt að 200 manns að hafa horft, að því er segir í ákærunni.

Talsmaður háskólans segir að verið sé að skoða ákæruna og að þær ásakanir sem þar eru lagðar fram gangi gegn gildum skólans. Landsamtök Delta Sigma Phi bræðralagsins segjast þá hafa lagt félagsdeildina við skólann niður eftir að fréttir bárust af ákærunni. Ásakanirnar séu „óhugnanlegar og gagni gegn grunngildum“ félagsskapsins.

mbl.is
EZ Detect skimpróf fyrir ristilkrabbameini
Eftir hægðir er Ez Detect prófblað sett í salernið. Ef ósýnilegt blóð er ti...
veggklukka antik veggklukka
er með flotta veggklukku með mjúkum og þægilegum slætti á12,000 kr sími 869-279...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...
Málarar
Málarar. Faglærðir málar geta bætt við sig verkefnum. Öll almenn málningarþjónus...