Sögulegt samkomulag um Makedóníu

Grikkland og Makedónía hafa undirritað sögulegt samkomulag sem er ætlað að binda enda á áratugalanga deilu vegna nafnsins Makedónía. Samkvæmt samkomulaginu mun Makedónía nú heita Norður-Makedónía.

Styr hefur staðið um nafnið eftir að Júgóslavía liðaðist í sundur sem Makedónía tilheyrði. 

Fram kemur á vef BBC, að þing þjóðanna eigi þó eftir að samþykkja þessa breytingu auk þess sem boðað verður til þjóðaratkvæðagreiðslu um málið í Makedóníu. Þjóðernissinnar eru þessu algjörlega mótfallnir.

Stjórnvöld í Grikklandi hafa lengi haldið því fram að með því að nota nafnið Makedónía, þá hafi nágrannar þeirra í norðri verið að halda því fram að þeir eigi rétt á yfirráðum á héraði í norðurhluta Grikklands sem ber sama nafn.

Deilan hefur leitt til þess að Makedóníu hefur ekki fengið að ganga í NATO eða í ESB.

Alexis Tsipras, forsætisráðherra Grikklands, fagnaði samkomulaginu í dag. „Þetta er hugrakkt, sögulegt og nauðsynlegt skref fyrir þjóðir okkar.“

Tsipras og starfsbróðir hans í Makedóníu, Zoran Zaev, fylgdust með því þegar utanríkisráðherrar þjóðanna undirrituðu samkomulagið við Prespa-vatn við grísku landamærin. 

Í gær stóð Tsipras af sér tillögu um vantraust í gríska þinginu vegna málsins, en hann var sakaður um of miklar tilslakanir.

Alexis Tsipras, forsætisráðherra Grikklands, (til hægri) ásamt Zoran Zaev, forsætisráðherra ...
Alexis Tsipras, forsætisráðherra Grikklands, (til hægri) ásamt Zoran Zaev, forsætisráðherra Makedóníu. Þeir fögnuðu samkomulaginu í dag, sem þing landanna eiga þó eftir að samþykkja. AFP
mbl.is
JEMA Bílalyftur í bílskúrinn
Frábærar skæralyftur sem henta í bílskúrinn,lyfta 1,2 m og 2,8T, glussadrifnar...
Skúffa / skófla á traktor
Skófla á þrítengi 140cm. Bakhlið fylgir sem gerir hana að fyrirtaks skúffu. Þe...
Bækur til sölu
Bækur til sölu Eylenda 1-2, Strandamenn, Jarðarbók Árna og Páls 1-11, frumútg., ...
Skurðarskífur
Eigum til góðar skurðarskífur 125mm*1mm, gott verð 120 kr stk með vsk. Uppl 77...