Indverjar svara tollum Trumps

Donald Trump, forseti Bandaríkjanna, og Narendra Modi, forsætisráðherra Indlands, eru ...
Donald Trump, forseti Bandaríkjanna, og Narendra Modi, forsætisráðherra Indlands, eru kannski ekki jafn líklegir til að faðmast nú og fyrir ári. AFP

Indland hefur ákveðið að bætast í hóp þeirra ríkja sem setja tolla á vörur frá Bandaríkjunum sem svar við innflutningstollum sem Donald Trump, forseti Bandaríkjanna, hefur sett á stál og ál. Samkvæmt indversku sjónvarpsstöðinni NDTV hafa indversk stjórnvöld sent Alþjóðaviðskiptastofnuninni tilkynningu þess efnis.

Meðal annars verður 50% tollur settur á mótorhjól með 800cc slagrými eða meira, 20% á möndlur, 20% á valhnetur og 25% á epli, en innflutningstollar Indlands munu í heild ná til 30 vörutegunda.

Indversk stjórnvöld segja aðgerðirnar varnarviðbrögð við verndartollum Bandaríkjanna á ál og stál. Áætlað er að tollarnir munu skila indverska ríkinu um 238 milljónir bandaríkjadala eða 26 milljörðum króna, á meðan áætlanir gera ráð fyrir að tollar Bandaríkjanna á ál- og stálvörur frá Indlandi skili bandaríska ríkinu um 241 milljónir bandaríkjadala eða rétt rúmlega 26 milljörðum króna.

Í takt við yfirlýsingar annarra

Fleiri aðilar hafa lýst því yfir undanfarið að þeir hyggjast innheimta tolla af vörum frá Bandaríkjunum, en áður hafði framkvæmdastjórn Evrópusambandsins lýst áformum sínum þess efnis. Í síðustu viku fréttist að öll aðildarríki sambandsins styðji áform framkvæmdastjórnarinnar.

Síðastliðinn föstudag tilkynnti Trump að hann hefði sett 25% toll á kínverskar vörur að andvirði 50 milljarða bandaríkjadollara eða tæplega 5,5 þúsund milljarða króna.

Kínverjar lýstu því yfir að þeir hyggjast svara í sömu mynt með því að setja innflutningstolla á 659 bandarískar vörur að andvirði sambærilegri upphæð, 50 milljarða bandaríkjadollara.

mbl.is
VELLÍÐAN OG DEKUR.
Stress er þáttur í daglegu lífi. slökun og meðferð við stressi- áralöng reynsl...
Nudd Nudd Nudd
Relaxing massage downtown Reykjavik. S. 7660348, Alina...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...