Donald Trump forseti Bandaríkjanna telur að repúblikanar eigi ekki að eyða tíma í málefni innflytjenda fyrr en eftir kosningar í nóvember. Þá verði flokkurinn kominn með fleiri þingmenn og geti náð fram breytingum á löggjöfinni. Þetta kemur fram í Twitter-færslu Trump í dag.

Í fimm vikur vissi Evelin ekkert hvar börnin hennar tvö væru. Hún var skilin frá þeim á landamærum Bandaríkjanna 19. maí eftir að hafa flúið ofbeldi í heimalandinu, Gvatemala.  Evelin var saksótt og sent í Don Hutto búðirnar þar sem ólöglegum innflytjendum er haldið í Texas. Börnin hennar tvö; Eddy 17 ára og Lilian, sem er níu ára, voru skilin eftir í móttökumiðstöðinni og síðan send í fóstur með flugi til Grand Rapids, Michigan. Þar var þeim komið fyrir á sitthvorum staðnum.

Faðir þeirra, Elmer, flúði til Bandaríkjanna fyrir tveimur árum eftir líflátshótanir og segir að kona hans og börn hafi einnig neyðst til þess að flýja eftir að hafa borist hótanir.

Hann segir blaðamanni Guardian sögu fjölskyldunnar en að sögn Elmer hefur eiginkona hans, Evelin, glímt við mígreni og kvíðaraskanir. „Hún hefur gengið í gegnum helvíti,“ segir Elmer en Evelin er enn í haldi í Texas. Hann segir Evelin glíma við háan blóðþrýsting og verið mjög veika. 

AFP

Fyrir tveimur dögum fékk hann börnin til sín í Massachusetts eftir að hópur lögmanna í höfuðstað Texas, Austin, kom þeim til hjálpar. En Evelin er enn í haldi. Hann segist vonast til þess að hún fái að koma til þeirra innan tíðar. 

Efrén Olivares sem leiðir hóp lögmanna í Texas segir að á hverjum degi séu um 150 leiddir fyrir dómara í McAllen á dag. Allir fyrir minniháttar brot - að hafa komið til landsins með ólögmætum hætti. Af þeim eru um það bil 30 foreldrar barna sem hafa verið skilin að. 

Þar á meðal móðir frá El Salvador sem var skilin að frá heilasköðuðum syni sínum á unglingsaldri. Móðir frá Gvatemala sem er á barmi taugaáfalls eftir að dóttir henanr var tekin frá henni. Hún hefur ítrekað hótað sjálfsvígi. Önnur móðir sem hann hefur reynt að aðstoða var skilin að frá dóttur sinni á unglingsaldri en hún lifði af hrottalega árás, þar á meðal nauðgun.

Umfjöllun Guardian í heild

Tilskipunin sem Donald Trump undirritaði í fyrrakvöld felur meðal annars í sér að hætt verði að sundra fjölskyldum og þeim haldið saman í varðhaldi. Stefnt er að því að reyna fá dómsúrskurði frá 1997, Flores samkomulagið, hnekkt en samkvæmt því má ekki halda börnum lengur en 20 daga í varðhaldi. Hvort heldur sem það er með eða án foreldra. 

AFP

Shamdasani segir þessa lausn fáránlega og stjórnvöld í Washington verði einfaldlega að finna betri lausn. Fyrst og fremst verði að gæta mannréttinda flóttafólksins, einkum og sér í lagi þar sem fjölskyldur og börn eiga í hlut. 

Hún segir að ekki eigi að koma fram við fólk sem er á flótta og kemur með ólögmætum hætti til Bandaríkjanna (Irregular migration - en skilgreiningu á hugtakinu á ensku má finna hér til hliðar í hnotskurn. Blaðamanni hefur ekki tekist að finna nógu góða skilgreiningu á íslensku sem nær yfir þetta hugtak) sem glæpamenn. 

Að hennar sögn hvetja Sameinuðu þjóðirnar bandarísk yfirvöld til þess að yfirfara stefnu sína í málefnum flóttafólks og hvetja ríkið til þess að finna annars konar lausn á því hvernig búið er að fólki sem þangað kemur. Talsmaður UNICEF, Christophe Boulierac, tekur í sama streng og segir að UNICEF sé alfarið á móti því að börn séu aðskilin frá fjölskyldum sínum sem úrræði til þess að stýra fólksflótta. Eins gagnrýni UNICEF að börn séu sett í varðhald.

Hann bendir á að Bandaríkin séu þar ekki ein því um 100 lönd víðsvegar um heiminn noti þetta sem stjórntæki til þess að stýra komu flóttafólks. 

T

Hnotskurn

• Irregular migration - Movement that takes place outside the regulatory norms of the sending, transit and receiving countries.
• There is no clear or universally accepted definition of irregular migration.
• From the perspective of destination countries it is entry, stay or work in a country without the necessary authorization or documents required under immigration regulations. From the perspective of the sending country, the irregularity is for example seen in cases in which a person crosses an international boundary without a valid passport or travel document or does not fulfil the administrative requirements for leaving the country.
• There is, however, a tendency to restrict the use of the term "illegal migration" to cases of smuggling of migrants and trafficking in persons.
• Það er flóttafólk sem ekki fellur undir hefðbundna skilgreiningu á fólki á flótta, hvort heldur sem um flóttafólk eða aðra sem óska eftir hæli. 
• Ekki er í raun til nein ákveðin skilgreining sem gildir fyrir öll ríki því mismunandi reglur gilda um fólk sem fer yfir landamæri án þess að vera með lögmæt skilríki, svo sem vegabréf ofl. 
• Í BA-ritgerð í lögfræði við Háskólann á Akureyri skrifar Melkorka Mjöll Kristinsdóttir:
• Engin alþjóðleg skilgreining er til á hugtakinu ,,óreglulegir útlendingar“ (irregular migrants) en almennt er gerður greinarmunur annars vegar á óreglulegum útlendingum og hins vegar ólöglegum útlendingum.
• Almennt vísar hugtakið ,,óreglulegir útlendingar“ til fólks sem hefur ekki fengið formlega heimild samkvæmt reglugerðum um innflytjendur, til að koma til lands. Þetta á til dæmis við þegar manneskja ferðast til lands án þess að hafa gilt vegabréf eða ferðaskilríki. Yfirleitt er reynt er að takmarka hugtakið ,,ólöglegir útlendingar“ við fólk sem er smyglað til lands og fólk sem er fórnarlömb mansals.

Tengdar fréttir

Flóttafólk í Bandaríkjunum

17 tilskipanir Bidens

• Boðar nýtt innflytjendafrumvarp
• Eins og tilraunastarfsemi í fangabúðum
• Lést í varðhaldi 40 árum eftir komuna
• Hlupu fram hjá þjóðvarðliðum og inn í Mexíkó

» Fleiri tengdar fréttir

• Blogga um frétt