Frakkar hætti á að verða óvinur númer eitt

Aðstoðarforsætisráðherra Ítala, Luigi Di Maio.
Aðstoðarforsætisráðherra Ítala, Luigi Di Maio. AFP

Aðstoðarforsætisráðherra Ítalíu segir að hrokafullir Frakkar hætti á að verða helstu óvinir Ítala er kemur að málefnum innflytjenda og flóttamanna. Þessi ummæli lét Luigi Di Maio falla á Facebook-síðu sinni í dag, degi áður en evrópskir leiðtogar hittast í Brussel til þess að ræða málefni flóttamanna og innflytjenda.

Tilefni skrifa Di Maio voru ummæli Emmanuels Macron Frakklandsforseta þess efni að straumur flóttamanna til Evrópu færi minnkandi og að Ítalir væru ekki lengur að glíma við sama vanda vegna komu flóttamanna og árið 2015. Di Maio segir þessi ummæli Macron úr tengslum við raunveruleikann.

„Ítalía stendur frammi fyrir neyðarvanda vegna flóttamanna og það er að hluta til vegna þess að Frakkland ýtir fólki frá við landamæri sín. Macron hættir á það að gera land sitt að óvini Ítala númer eitt í þessum efnum,“ skrifaði Di Maio.

Innanríkisráðherra Ítalíu, Matteo Salvini, tekur í sama streng og Di Maio varðandi afstöðu Frakka til innflytjendamála.

Hann segir 650.000 hafa komið sjóleiðina til Ítalíu síðustu fjögur ár og að 430.000 manns hafi sótt um hæli í landinu. Þá hafi móttaka 170.000 „meintra flóttamanna“ kostað Ítali meira en 5 milljarða evra.

„Ef að hinum hrokafulla forseta Macron þykir þetta ekki vera vandamál, þá bjóðum við honum að hætta móðgunum sínum og sýna smá örlæti með því að opna hinar mörgu hafnir Frakklands [fyrir flóttamönnum] og hleypa börnum, körlum og konum í gegn í Ventimiglia,“ sagði Salvini, en Ventimiglia er bær á landamærum Frakklands og Ítalíu.

Frétt Reuters um málið

Fréttin hefur verið uppfærð.

mbl.is
Vantar þig bókara?
Tek að mér bókhald fyrir einstaklinga, lítil og meðalstór fyrirtæki,Vsk skýrslur...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Max
...