Leikkonan Susan Sarandon, sem er hvað þekktust fyrir leik sinn í kvikmyndunum Thelma & Louise og Dead Man Walking, var handtekin ásamt um 600 öðrum konum vegna friðsamlegra mótmæla til stuðnings innflytjenda í Bandaríkjunum.

Þessu greindi hún frá á Twitter-síðu sinni, samkvæmt frétt BBC fóru mótmælin fram við byggingu öldungadeildarþinghúss Bandaríkjanna í gær. Lögreglan í Washington D.C. segir 575 hafa verið ákærða fyrir ólögmætan mótmælafund.

Konurnar voru að mótmæla stefnu yfirvalda í innflytjendamálum og aðskilnaði fjölskyldna við landamærin. Önnur mótmæli eru á dagskrá á sunnudag.

Óskarsverðlaunaleikkonan hefur áður verið handtekin, en árið 1999 tók hún þátt í að mótmæla því að óvopnaður, þeldökkur unglingsdrengur hefði verið skotinn af lögreglu í New York.

Fjöldi fólks hefur mótmælt stefnu yfirvalda á undanförnum vikum. AFP

Tengdar fréttir

Flóttafólk í Bandaríkjunum

17 tilskipanir Bidens

• Boðar nýtt innflytjendafrumvarp
• Eins og tilraunastarfsemi í fangabúðum
• Lést í varðhaldi 40 árum eftir komuna
• Hlupu fram hjá þjóðvarðliðum og inn í Mexíkó

» Fleiri tengdar fréttir

• Blogga um frétt