Pompeo segir að árangur hafi náðst
Setja bókamerki
Mike Pompeo, utanríkisráðherra Bandaríkjanna, segir að framfarir hafi átt sér stað í viðræðum um kjarnorkusamkomulag Bandaríkjanna og Norður-Kóreu. BBC greinir frá. Pompeo fundaði með Kim Yong-chol, embættismanni Norður-Kóreustjórnar, í gær.
Þetta eru fyrstu samskipti ráðherrans við norður-kóreska embættismenn frá því Kim Jong-un, leiðtogi Norður-Kóreu, og Donald Trump Bandaríkjaforseti funduðu í Singapúr í síðasta mánuði.
Pompeo segir að á fundinum hafi Chol, sem er álitinn hægri hönd Kim Jong-un, lofað að stjórnvöld í Norður-Kóreu vinni að því að afkjarnorkuvopnavæða Kóreuskaga. Hvernig þeirri áætlun verði framfylgt á hins vegar eftir að koma í ljós. Rætt var um tímalínu fyrir afvopnavæðinguna á fundinum, að sögn Pompeo.
„Þetta eru flókin málefni, en okkur miðar áfram í nánast öllum lykilmálum,“ sagði Pompeo að fundi loknum.
AFP-fréttastofan hefur hins vegar eftir suður-kóresku fréttastofunni Yonhap að norður-kóreskir embættismenn fullyrði að bandarískir ráðamenn séu gráðugir í kröfum sínum og að viðhorf þeirra gagnvart kjarnorkusamkomulaginu sé sorglegt.
Kvikan virðist nú skiptast til helminga
„Það er skiljanlegt að þolinmæði þeirra sé lítil“
Fjárfestingin 115 milljarðar króna
„Tíminn er runninn út fyrir Kristján Loftsson“
Segir óábyrgt að skipta út öllu bankaráðinu
„Þögnin er ærandi“
Kveðst tala af virðingu: „Ég er enginn dóni“