Hafa ekki heilsu til að mæta á HM

Læknar telja afar ólíklegt að drengirnir átta, sem búið er að bjarga út úr hellinum í Taílandi eftir að hafa dvalið neðanjarðar í meira en tvær vikur, séu færir um að fara til Moskvu og vera viðstaddir úrslitaleikinn á HM á sunndaginn. Tólf drengir á aldrinum 11 til 17 ára lokuðust inni í hellinum ásamt þjálfara sínum laugardaginn 23. júní. Vonir standa til að hægt verði að bjarga fjórum síðustu drengjunum út í dag og þjálfaranum. Drengirnir átta sem var bjargað í gær og fyrradag eru á sjúkrahúsi og ekki hefur verið sagt hvenær þeir fá að fara til síns heima.

Forseti FIFA, Gianni Infantino, bauð drengjunum að vera viðstöddum úrslitaleikinn en þeir eru allir miklir áhugamenn um knattspyrnu. Knattspyrnumenn og þjálfarar um allan heim hafa sent þeim stuðningskveðjur, þar á meðal brasilíska knattspyrnugoðsögnin Ronaldo og Lionel Messi.

Drengirnir, sem eru í knattspyrnuliðinu Villisvínin, voru klæddir í knattspyrnutreyjur þegar þeir fundust loks eftir níu daga, einn í treyju enska landliðsins og annar í treyju Real Madrid.

Að sögn lækna er ólíklegt að þeir verði ferðafærir á næstunni og munu væntanlega horfa á leikinn í sjónvarpi. „Þeir geta ekki farið. Þeir verða að vera á sjúkrahúsi eitthvað áfram,“ sagði heilbrigðisráðherra Taílands, Thongchai Lertwilairatanapong, við fréttamenn í morgun þegar þeir spurðu út í leikinn á sunnudag. 

mbl.is
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Honda CRV Executive árg. 2015 - einn eig
Til sölu flott eintak af Hondu CRV Executive disel árgerð 2015. Bíllinn er sjálf...
Faglærður húsasmiður .
B.Bollason ehf. Byggingaverktaki. Tek að mér smíðavinnu fyrir einstaklinga og f...