Trump tilnefnir Kavanaugh

Forseti Bandaríkjanna, Donald Trump, tilnefndi Brett Kavanaugh í embætti dómara við Hæstarétt Bandaríkjanna í nótt.

Í tilkynningu frá Hvíta húsinu segir Trump að Kavanaugh muni verða frábær dómari. Kavanaugh hefur gegnt embætti við áfrýjunardómstól í Columbia og er fyrrverandi ráðgjafi George W Bush síðan sá síðarnefndi gegndi embætti forseta Bandaríkjanna. 

Sem dómari við Hæstarétt mun Kavanaugh hafa víðtæk áhrif á allt frá fóstureyðingum, byssulöggjöf og innflytjendum. Kavanaugh er annar dómarinn við Hæstarétt sem Trump skipar í embætti frá því hann tók við sem forseti í janúar 2017.

Brett Kavanaugh ávarpar blaðamenn eftir að forseti Bandaríkjanna, Donald Trump, ...
Brett Kavanaugh ávarpar blaðamenn eftir að forseti Bandaríkjanna, Donald Trump, tilkynnti um val á næsta dómara við Hæstarétt. AFP
mbl.is