„Allir fóru að gráta“

Chanin Viboonrungruang er ellefu ára.
Chanin Viboonrungruang er ellefu ára.

„Ég fór að gráta. Allir fóru að gráta,“ segir faðir yngsta drengsins sem bjargað var úr hellinum í Taílandi. Foreldrarnir fengu í gær loks að sjá syni sína í gegnum glervegg á gjörgæsludeild sjúkrahússins þar sem þeir verða næstu daga að jafna sig. Þeir höfðu ekki séð þá frá því að þeir fóru á fótboltaæfingu laugardaginn 23. júní eða tæpar þrjár vikur. 

Chanin Viboonrungruang er yngstur drengjanna tólf. Hann er ellefu ára. Hann veifaði höndunum til foreldra sinna er hann sá þá við glervegginn á endurfundunum í gær. 

„Ég vil færa öllum þeim sem komu að björgun sonar míns þakkir,“ segir faðir hans, Tanawat Viboonrungruang , í samtali við CNN. „Líka þeim sem hafa hjálpað honum að öðlast nýtt líf. Þetta er eins og endurfæðing.“

Móðir Chanins hrópaði nafn hans er hún sá hann loks liggjandi í sjúkrarúminu. 

„Ég var svo hamingjusamur,“ segir faðir hans um að hafa loks fengið að sjá son sinn eftir allan þennan tíma. 

Drengirnir verða á sjúkrahúsi í viku til viðbótar að því er fram kemur í frétt CNN. Foreldrarnir voru fyrir utan hellinn allan tímann á meðan björgunaraðgerðum stóð og höfðu kveikt á kertum. Nú hafast þau við á sjúkrahúsinu.

„Svo lengi sem hann er á lífi og heilbrigður þá er ég sáttur,“ segir faðir Chanins. Hann segir foreldrana hafa sagt syni sínum að hann sé sterkur og eigi eftir að komast í gegnum þetta. Nú bíða þau þess í ofvæni að fá að faðma hann.

Taílensk yfirvöld segja að drengirnir séu í góðu ásigkomulagi þrátt fyrir að hver og einn þeirra hafi lést um tvö kíló er þeir voru innlyksa í hellinum.

mbl.is
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Kolaportið alltaf gott veður!
Góða veðrið og góða skapið er í KOLAPORTINU!...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...