Fornleifafræðingar sem voru að skoða mögulegar skemmdir á píramída í Mexíkó í kjölfar jarðskjálfta uppgötvuðu ummerki um fornt hof.
Hofið er innan í Teopanzolco-píramídanum í Morelos-ríki suður af Mexíkóborg. Talið er að það sé frá árinu 1150 og hafi verið byggt af Astekum sem þá bjuggu í miðhluta Mexíkó. Hofið er helgað regnguði Asteka, Tláloc.
Það voru sérfræðingar á veg Fornleifastofnunar Mexíkó sem fundu hofið er þeir skönnuðu píramídann með ratsjá til að kanna skemmtir af völdum 7,1 stiga jarðskjálfta sem varð í landinu í september.
Skjálftinn olli miklum skemmdum á þessu svæði og við hann færðist miðja píramídans til með þeim afleiðingum að hofið varð greinilegra með ratstjá.