Trump segir Brexit gera út um verslunarsamning
Setja bókamerki
Theresa May, forsætisráðherra Bretlands, veitti bandarísku forsetahjónunum Donald og Melaniu Trump höfðinglegar móttökur með galakvöldverði í Blenheim-höll í Oxfordshire í kvöld. May nýtti einnig tækifærið til að ræða möguleika á nýjum verslunarsamningi við Bandaríkin. BBC greinir frá.
May nýtti tækifærið í kvöld og benti Trump á að yfir milljón Bandaríkjamenn starfi hjá breskum fyrirtækjum. May segir að með undirbúningi Bretlands um útgöngu úr Evrópusambandinu skapist fordæmislaus tækifæri í samskiptum ríkjanna. „Nú er tækifæri til að koma á fríverslunarsamningi sem skapar atvinnu og hagvöxt í Bretlandi og alla leið til Bandaríkjanna,“ segir May.
Trump segir hins vegar í viðtali við The Sun að sú leið sem May telur að best sé að fara úr ESB muni líklega gera út um vonir um möguleika á fríverslunarsamningi milli ríkjanna.
Donald Trump er í fjögurra daga opinberri heimsókn í Bretlandi, þeirri fyrstu frá því að hann var kjörinn forseti Bandaríkjanna fyrir tveimur árum. Ekki eru allir ánægðir með heimsókn forsetans og söfnuðust mótmælendur saman fyrir utan bandaríska sendiráðið sem og höllina þar sem kvöldverðurinn fer fram. Samkvæmt lögreglu eru mótmælendurnir í kringum þúsund talsins.
Leiðtogi Verkamannaflokksins, Jeremy Corbyn, segir Trump vera hættulegan og ómannúðlegan og að stefna hans stofni milljónum mannslífa í hættu. Corbyn gagnrýndi hversu hlýjar móttökur forsetahjónin fengju.
Heimsókn Trumps á sér stað á sama tíma og fátt annað en Brexit, útganga Bretlands úr Evrópusambandinu, kemst að í breskum stjórnmálum. Tveir ráðherrar, David Davis, sem fór með máli Brexit, og Boris Johnson utanríkisráðherra, sögðu af sér á í vikunni vegna tilslökunar stjórnvalda í viðræðum um útgöngu úr ESB.
May virðist njóta stuðnings þeirra hófsömu í Íhaldsflokknum og ekki hafa komið upp neinar opinberar tilraunir til þess að hrekja hana frá völdum. Trump segir að það sé undir kjósendum komið hvort May verði áfram í embætti eða ekki.
Hafa samþykkt kaup fyrir um 9,2 milljarða
Hyggjast leyfa fólki að skoða gosið
Aðeins ein leið fær í Grindavíkurmálum
/frimg/9/40/940831.jpg)
Telur eyðsluna munu rjúka upp úr öllu valdi
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“