Stormy handtekin í vinnunni
Setja bókamerki
Bandaríska klámmyndaleikkonan Stormy Daniels var handtekin í gær þar sem hún kom fram á fatafellustað, að sögn lögmanns hennar. Hann segir að handtakan tengist máli hennar gegn Donald Trump, forseta Bandaríkjanna.
Daniels var handtekin í klúbbi í Columbus, Ohio, í miðju atriði en hún hefur komið fram á yfir eitt hundrað fatafellustöðum víðs vegar um Bandaríkin með sama atriði, skrifar lögmaður hennar, Michael Avenatti, á Twitter.
Hann segir að Daniels hafi verið handtekin vegna gruns um að hún hafi leyft viðskiptavini staðarins að snerta sig, ekki á kynferðislegan hátt, þegar hún var á sviðinu.
„Þetta var gildra og runnið af pólitískum rótum. Þetta lyktar af örvæntingu. Við munum berjast gegn öllum upplognum sökum,“ skrifar Avenatti.
Hann segir að það geti ekki verið að lögreglan standi sjálf fyrir þessu heldur hljóti skipunin að koma ofar frá. Avenatti skrifar í annarri færslu á Twitter að hann eigi von á því að Daniels verði látin laus gegn tryggingu fljótlega og hún ákærð fyrir minni háttar brot.
„Við munum berjast gegn öllum ákærum af fullum þunga,“ skrifar Avenatti á Twitter.
Daniels, sem heitir réttu nafni Stephanie Clifford, hefur höfðað mál gegn Trump og persónulegum lögmanni hans þar sem hún reynir að ógilda samkomulag sem gert var árið 2016 en það gerir henni ókleift að ræða opinberlega um samband hennar við Trump árið 2006.
Trump hefur viðurkennt að hann hafi vitað af samkomulaginu sem Cohen gerði við Stormy Daniels. Áður hafði Trump neitað því að hafa vitað að Cohen hefði greitt Daniels 130 þúsund Bandaríkjadali til þess að koma í veg fyrir að hún tjáði sig um meint samband hennar við forsetann árið 2006.
Daniels hefur greint frá því að þau hafi sofið saman einu sinni en að Trump hafi margítrekað reynt að endurnýja kynnin. Hún segist hafa skrifað undir samning ellefu dögum fyrir forsetakosningarnar árið 2016 um að segja ekki frá sambandi sínu við Trump og fyrir vikið hafi hún fengið áðurnefnda 130 þúsund dollara. Michel Cohen, lögmaður Trump til margra ára, hefur viðurkennt að hafa afhent leikkonunni þessa peninga, en ekki sagt hvers vegna.
„Skýr skilaboð til Seðlabankans“
Skar höfuðleðrið af íslenskri konu
Tveir í bílnum sem lenti utan vegar
Vona að Orkustofnun veiti ekki virkjunarleyfi
Handteknir eftir myndatöku í Vesturbæjarlaug
Hernaðaraðstoð samþykkt – Vopnasendingar í vikunni
Skemmtiferðaskip hætt komið nærri Viðey