Stormy snýr aftur til vinnu

Ákæra gegn klámmyndaleikkonunni Stormy Daniels hefur verið felld niður eftir að lögmaður hennar sagði að handtakan hafi verið pólitísk aðför.

Daniels var handtekin á fatafellustað í borginni Columbus, höfuðborg Ohio-ríkis í Bandaríkjunum, í gær þar sem hún á að hafa leyft þremur leynilögreglumönnum að snerta sig, en lög um starfsemi slíkra staða banna það.

Michael Avenatti, lögfræðingur Daniels, greindi frá því í dag að málið hefur verið látið niður falla og þakkar hann saksóknara fyrir snör og fagmannleg vinnubrögð. Yfirvöld í Ohio vísa ákærunni frá þar sem hún byggir ekki á lagalegum grundvelli, en löggjöfin nær aðeins til fastráðinna starfsmanna nektarstaða.

Avenatti brást harkalega við handtöku Daniels og segir hana vera gildru runna af póli­tísk­um rót­um. Daniels, sem heit­ir réttu nafni Stephanie Clifford, hef­ur höfðað mál gegn Trump og per­sónu­leg­um lög­manni hans þar sem hún reyn­ir að ógilda sam­komu­lag sem gert var árið 2016 en það ger­ir henni ókleift að ræða op­in­ber­lega um sam­band henn­ar við Trump árið 2006.

Avenatti greinir jafnframt frá því á Twitter að Daniels neiti því að láta ógna sér og að hún muni snúa aftur á vettvang, ekki glæpavettvang, í kvöld á klúbbnum í Columbus. Daniels heldur því ótrauð áfram. 

Stormy Daniels var handtekin á fatafellustað í borginni Colombus, höfuðborg ...
Stormy Daniels var handtekin á fatafellustað í borginni Colombus, höfuðborg Ohio-ríkis í Bandaríkjunum, í gær þar sem hún á að hafa leyft þremur leynilögreglumönnum að snerta sig. Málið hefur verið fellt niður. AFP
mbl.is
Mynd eftir Ásgrím Jónsson
Til sölu olíumálverk eftir Ásgrím Jónsson, Húsafell, Uppl. í s. 772-2990 eða á ...
Klettar - Heilsárshús - 65fm + 35fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
KERRUR TIL AFGREIÐSLU SAMDÆGURS
Sterku HULCO fjölnotakerrurnar, myndir á bland.is og á Facebook = Magnus Elias /...