Segist hafa mismælt sig í gær

Donald Trump Bandaríkjaforseti segist trúa því að Rússar hafi haft afskipti af forsetakosningunum í Bandaríkjunum 2016. Eftir fund hans og Vladimir Pútín Rússlandsforseta í gær var annað hljóð í strokknum.

Trump ræddi við fjölmiðla fyrir stundu þar sem kom fram að hann tryði því að Rússar hefðu haft afskipti af kosningunum með tölvuárásum og áróðri, líkt og leyniþjónustur Bandaríkjanna hafa haldið fram.

Forsetinn segist hafa mismælt sig í gær. „Ég hef fulla trúa á og styð bandarísku leyniþjónusturnar og mun gera allt sem í mínu valdi stendur til að tryggja öruggar kosningar,“ sagði Trump.

Ummæli hans í gær, þar sem hann sagðist trúa orðum Pútín þess efnis að Rússar hefðu ekki haft afskipti af kosningunum, fóru illa í fjölda Bandaríkjamanna. Þingmenn úr báðum flokkum gagnrýndu forsetann harðlega.

Fyrr í dag gagnrýndi forsetinn fjölmiðla fyrir að tala ekkert um hversu vel fundur hans og Pútín gekk.

Trump ræddi við fjölmiðlafólk.
Trump ræddi við fjölmiðlafólk. AFP
mbl.is

Bloggað um fréttina

NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Klettar - Heilsárshús - 65fm + 35fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
Húsaviðgerðir
https://www.husco.is/...
Ný jólaskeið frá ERNU fyrir 2018 komin.
Kíkið á nýju skeiðina á -erna.is-. Hún er hönnuð af Raghildi Sif Reynisdóttur og...