Afturkalla beiðni um framsal Puigdemonts
Setja bókamerki
Hæstiréttur Spánar hefur fallið frá framsalsbeiðni sem gefin var út gegn Carles Puigdemont, fyrrverandi forseta Katalóníuhéraðs, og fimm aðstoðarmönnum hans. Puigdemont og aðstoðarmennirnir dvelja allir erlendis.
Þýskur dómstóll úrskurðaði fyrr í mánuðinum að ekki mætti framselja Puigdemont á grundvelli uppreisnarákæru, vegna sjálfstæðiskosningar Katalóníu sem haldnar voru á síðasta ári. Dómstóllinn samþykkti hins vegar að framselja mætti Puigdemont vegna mun vægari ákæru um misnotkun á almannafé.
Pablo Llarena, einn æðsti dómari Spánar, segir þýska dómstólinn með þessu sýna „skort á ábyrgð“ vegna málsins og að hann brjóti þar gegn framsalsbeiðninni. Sagði Llarena dómstólinn grafa undan valdi hæstaréttar Spánar með úrskurði sínum.
BBC segir ákærur í garð Puigdemont og aðstoðarmannanna fimm þó ekki hafa verið felldar niður og að þeir eigi enn á hættu að vera fangelsaðir snúi þeir aftur til Spánar.
Verðbólgan komin niður í 6%
Fara ekki lengur fram á einangrun yfir Davíð
Hönnun sem bætir líf manna
Handtekin eftir að tvö börn fundust látin
„Okkur miðar í rétta átt“
„Þetta náttúrulega endar með ósköpum“
Veiting hvalveiðileyfis ekki brot á EES-samningi
Árshátíð ríkislögreglustjóra haldin í Tékklandi