Sagður verja afneitun helfararinnar

Zuckerberg er sakaður um að hafa tekið upp hanskann fyrir ...
Zuckerberg er sakaður um að hafa tekið upp hanskann fyrir þeim sem afneita helförinni í umdeildu viðtali á miðvikudag. AFP

Framkvæmdastjóri og stofnandi Facebook, Mark Zuckerberg, sætir nú mikilli gagnrýni fyrir umdeild ummæli sín um Facebook-notendur sem halda því fram að helförin hafi ekki átt sér stað. Í viðtali fyrr í vikunni sagðist hann halda að þeir sem afneiti helförinni séu ekki „að misskilja þetta viljandi“.

Zuckerberg lét ummælin falla í viðtali við tækni- og viðskiptavefsíðuna ReCode sem birtist í gær. Tæknijöfurinn sagði í viðtalinu að afneitun helfararinnar sé dæmi um umdeildar rangupplýsingar sem Facebook mun leyfa á samskiptamiðlinum. Facebook hefur áður tilkynnt að samsæriskenningar verði ekki bannaðar á miðlinum.

„Þegar allt kemur til alls, þá held ég ekki að miðilinn okkar ætti að taka þetta niður því ég held að það séu ákveðnir hlutir sem ólíkar manneskjur misskilji,“ sagði Zuckerberg í viðtalinu. „Ég held ekki að þetta fólk sé að misskilja þetta viljandi.“ Þá líkti hann einnig samsæriskenningum við þá sem einfaldlega mismæla sig.

„Það er erfitt að draga ásetning þessa fólks í efa eða skilja hann. Ég held, eins skammarleg og sum þessara dæma eru, að raunveruleikinn sé sá að ég segi líka ranga hluti þegar ég tala opinberlega.“

Ummæli Zuckerberg ollu mikilli reiði á samfélagsmiðlum sem og í fjölmiðlum. „Afneitun helfararinnar er vísvitandi og langvarandi blekkingartækni komin af and-semítisma sem er óhjákvæmilega hatursfull, sársaukafull og ógnandi fyrir gyðinga,“ sagði Jonathan Greenblat, viðmælandi CNN, um málið. „Facebook ber siðferðisleg skyldu til að banna þessa miðlun rangupplýsinga.“

Samkvæmt vef CNN hafði Zuckerberg svo samband við blaðamann ReCode fáeinum klukkustundum eftir að viðtalið birtist til þess að leiðrétta ummæli sín. „Persónulega finnst mér afneitun helfararinnar ákaflega móðgandi og ég ætlaði síst af öllu að verja ásetning þeirra sem hafa slíkar skoðanir,“ sagði hann í bréfi sínu til blaðamannsins.

Ummæli Zuckerberg koma í kjölfar ákvörðunar Facebook um að Facebook-hópurinn „Infowars“, sem dreifir samsæriskenningum á miðlinum, yrði ekki tekinn niður. Facebook sagði að hópurinn, sem meðal annars hefur sagt að skotárásin á Sandy Hook-skólann sé einungis gabb, brjóti ekki í bága við reglur miðilsins.

mbl.is
Togbekkur fyrir bakið á 44.000 .
Togbekkur sem kemur bakinu þínu í lag Togbekkur fyrir hryggjaliðina og bakverki...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...
Trúlofunar- og giftingarhringar í úrvali
Auk gullhringa eigum við m.a. titaniumpör á fínu verði. Sérsmíði, framleiðsla og...
BÓKHALD
NP Þjónusta Býð fram liðveislu við bókanir, reikn-ingsfærslur o.fl. Hafið samban...